Inunnut paasissutissat pillugit politikki
Inunnut paasissutissat pillugit politikki – inunnut paasissutissat ilinnut tunngasut ima isumagisarpagut.
1. Paasissutissanik ilinnut tunngasunik katersineq
Saaffiginnissutivit pitsaanerpaamik suliarineqarnissaa siunertaralugu inuit pillugit paasissutissaat ilinnut tunngasut katersorlugillu nalunaarsortarpagut. Saaffiginnissutit uatsinni suliassanngorlugu ingerlateqqinneqassappat, aaliangersimasumik siunertalimmik akuersissummik atsiukkamik tunngaveqarluta, inuit pillugit paasissutissatitit suliarissavagut. Inuit Siunnersortaasa piffissami inatsisit inunnut paasissutissat pillugit atuutsinneqartut malillugit suliassaq suliarisarpaat.
Uku inatsisit tunngavigalugit inuttut paasissutissaatitit katersorneqarlutillu suliarineqartarput:
- Databeskyttelsesforordningen artikel 6, stk. 1, litra a og f.
- Databeskyttelsesforordningen artikel 9, stk. 2, litra a.
2. Pisinnaatitaaffitit
Inunnut paasissutissat pillugit inatsisit tunngavigalugit, uatsinnit inuttut paasissutissaativit suliarineqarnerinut assigiinngitsunik pisinnaatitaaffeqarputit.
- Paasissutissat ilinnut tunngasut pigisagut takusinnaanissaanut pisinnaatitaaffeqarputit (indsigtsret)
- Paasissutissat ilinnut tunngasut kukkusimappata, aaqqitsinnissaanut/naqqiuteqarnissarnut pisinnaatitaaffeqarputit (aaqqitsitsineq/naqqiineq)
- Paasissutissat ilinnut tunngasut peerneqarnissaanut pisinnaatitaaffeqarputit (peertitsineq)
- Ilaatigut paasissutissat ilinnut tunngasut killilimmik tunniunneqarnissaat pisinnaatitaaffigisinnaavat.
- Inuit Siunnersortaasa inatsisit malillugit inunnut paasissutissaatitit pillugit suliaanut eqqortuugaluartumulluunniit maalaaruteqarnissamut pisinnaatitaaffeqarputit
Pisinnaatitaaffitit pillugit sukumiinerusumik paasisaqarusukkuit Datatilsynet maleruagassaliaani atuarsinnaavaatit ugguuna www.datatilsynet.dk.
3. Toqqortaatiginninneq kisitsisillu
Uatsinnut suliassanngortitaasoq pitsaanerpaamik suliarineqarnissaa siunertaralugu, pisariaqartitsinerput naapertorlugu paasissutissat ilinnut tunngasut toqqortaatigisarpagut. Suliaq ilinnut tunngasoq naammassigutsigu imaluunniit paasissutissat ilinnut tunngasut katersorsimasagut suliarisimasagullu pisariaqartikkunnaarutsigit nammineerluta automatiskimik peerumaarpagut. Inuit Siunnersortaanni sulinitsinnut, tamanullu sullissinermut pitsanngorsaanermik suliaqarnitsinnut, kisitsisinut ilisimatusarnitsinnullu, pillutit suliaq/paasissutissat atorneqarsinnaasunngortinneqarsinnaapput. Taamaattoqassappallu paasissutissaatit kinaassutsimik isertuussisunngortinneqaqqaarlutik ingerlateqqinneqarumaarput. Tamannalu ima isumaqarpoq, atit, allallu paasissutissat mianernartut ilinnut kinaanernullu ilisimatitsisinnaasut peerneqassammata.
4. Naammangittaalliorneq
Inuit Siunnersortaasa inunnut paasissutissat ilinnut tunngasunut suliarinninnerat naammagisimaanngikkukku, periarfissarivat Datatilsynemut naammangittaalliuummik nassiussinissarnut. Ugguuna paasisaqarnerugit www.datatilsynet.dk.
Paasissutissat allat
Inuit Siunnersortaasa paasissutissat ilinnut tunngasut qanoq suliarisarneraat apeqqutissaqarfigigukku imaluunniit pisinnaatitaaffivit atuutsinneqarnissaanut saaffiginnissuteqarusukkuit attaveqarfigisinnaavatsigut. Ataani paasissutissaatigut takukkit:
Inuit Siunnersortiat
Abel Cathrines Gade, 21 st.th
1654 København V
Telefonnummer: 33 33 05 05
E-mail: inuit@stenbroensjurister.dk
